क- कसरी कराऊं कसले, कसको क्रोदन केलाउछ,
ख- खुशीको खजाना खास, खालि खलीले खेलाउँछ/
ग- गिदीमा गडेका गर्व, गंधमय गराइसके,
घ- घातले घटेका घाउमा, घुन घस्रेर घुमाइसके/
च- चोखो चंचल चालमा, चंखे चील चल्नलागे,
छ- छाक छेक्न छैनतापनि, छाला छेड़ी छल्नलागे/
ज- जीनतीन जीएको ज्यानलाइ, जन्जीर जस्तै जलाइसके,
झ- झडप झमेला झन्झट झोस्तै, झुठ्याईमा नै झुलाईसके/
ट- टापटिपे टाठा यी टट्टूले, टुप्पी सम्मै टपकाइसके,
ठ- ठेस ठक्करलाइ ठट्टा ठान्दै, ठग्नु सम्म ठगीसके/
ड- ड़वा ड़वा डकार्दै डुंगडुंगती, डाम्रोपारी डसीसके,
ढ- ढर्रावाल ढाट यी ढोगीले, ढेप्नु सम्म ढेपीसके/
त- तड्पाउने र तान्ने तन्त्रैमा , तल्लिन भई तर्साईसके,
थ- थिल्थिल्याउदै थुम्थुम्याउदै थुत्दै, थलापारी थकाइसके/
द- देवत्वको दुहाई दिदैं , दानवी दम्भ देखाउछन,
ध- धोका दिदै धम्क्याउदै धुत्दै, उल्टै धक्कुपो लगाउछन/
न- निडरताको निशानालाइ, निस्तेज पारी नुहाईसके,
प- प्रेम पुर्वक पाएको प्रतिष्ठानै, परमधाम पुर्याइसके/
फ- फोस्रो फणा फर्लाक्क फिजाउँदै, फन्दामा नै फसाईसके,
ब- बटुल्दै बेइमानी बदमासी , बफादारिता बिकाइसके/
भ- भरोषा त भत्कने भइगो, भविष्य पो भताभुङ्ग भो,
म- महानता त मेटीने नै भो, मानवता पो मरेतुल्य भो/
य- यतिन्जेल यात्रा भो आशमा, याचनार्थ युगधर्मको,
र- रापिदैछौं अझै राकसी रागमा, रक्षार्थ रक्तिम रक्तको/
ल- लिसो झैं लिप्साले लिप्त भै, लोकहितको लक्ष लेश भो,
स- सुख सत्तामा सजिने शोखमा, सेवा साधना श्री सति गयो/
ह- हपार्दै र हडप्दै हिड्दै, हाकाहाकी हसुर्दछन,
क्ष- क्षमा योग्य त छदैछैनन्, क्षण क्षणमै क्षोभनिय छन/
त्र- त्राही त्राही तिम्रो त्रासादी, त्रुटीपूर्ण छ त्रियुगमा,
ज्ञ-ज्ञानरुपी चक्षु खोलेर, अझै आऊ है सुकर्ममा!!!